આ પુસ્તક માત્ર કાગળ પર લખાયેલા શબ્દોનો સમૂહ નથી, પરંતુ એ વિચારો, લાગણીઓ અને જીવનના વિવિધ અનુભવોનો સંગ્રહ છે.
અહીં મેં કવિતાઓ, ગઝલો અને ઊંડા અર્થવાળી વાતો દ્વારા મારા મનની લાગણીઓ ને પ્રસ્તુત કરવાનો પ્રયાસ કર્યો છે.
મારા શબ્દો માત્ર વાંચવા માટે નથી, પણ અનુભવી શકાય એવા છે.
એમાં ક્યાંક કોઈની જીવનની વાસ્તવિકતા હશે, તો ક્યાંક એક અજાણી લાગણીનું પ્રતિબિંબ. કેટલીક પંક્તિઓ તમને હસાવશે, કેટલીક વિચારતા કરી દેશે, અને કેટલીક કદાચ તમારી પોતાની જ વાર્તા જેવી લાગશે.
આ પુસ્તક એ એક સફર છે.. શબ્દોની, લાગણીઓની, અને અનુભવોની. તમે જ્યારે એક-એક પાના વાળશો, ત્યારે તમે મારી સાથે નહીં, પણ તમારી જાત સાથે વાત કરતા હોય એવું અનુભવશો..
- દર્શીત ગોટી (ગોટી સાહેબ)