હું જે લખું છું એ તમામ સર્જનને માત્ર વિચાર કહી શકાય.આ મારો પ્રથમ વિચાર સંગ્રહ છે. મારી રચનાઓને હું કોઈ ચોક્કસ સાહિતિ્યક સ્વરૂપ નથી આપતો કારણ કે મારી શૈલીમાં ઘણી બધી ખામીઓ હોય શકે. લાગણીઓને હરહંમેશ જીવંત રાખવા અને હૃદયથી સીધેસીધી લખાયેલ આ રચનાઓના સંગ્રહ માટે હું કાવ્ય કે કવિતાની જગ્યાએ લાગણી શબ્દનો ઉપયોગ કરું છું કારણકે મારી લાગણીઓમાં કોઈ ખામી નથી. આશા કરું છું આ વિચારોને તમે સમ્માન સહર્ષ સ્વીકારશો.

પુસ્તકની અંદરનું લખાણ મૌલિક છે, તેમ છતાં જો કોઇપણ લેખક, કવિ, સાહિત્યકાર, ગઝલકાર, વિદ્વાન સાધુ, સંત કે મહાશયના વિચારો સાથે કોઈ વાક્ય મળતું હોય તો એ વાક્યને સરખી વિચારધારા સમજી અને માફીને યોગ્ય સમજશોજી. મારા શબ્દોથી કોઈપણ જાતિ કે ધર્મ કે કિંચિત્માત્ર જીવને દુ:ખ લાગ્યું હોય કે લાગણી દુભાય હોય તો હું માફી ચાહું છું.