શીર્ષક: એક 'ગાંડો'...

છે એક 'ગાંડો'...

દુનિયાની નજરમાં સાવ અજાણ્યો ને નકામો,

કોલાહલથી દૂર, થોડો અસ્તવ્યસ્ત,

ક્યાંક કોઈ ખૂણે બેઠેલો,

કારણકે એના ઠેકાણાનું,

કઈ નક્કી જ નથી હોતું.

પણ સાચું કહું તો?

આવે છે એ જ અંતિમ વેળાએ,

મારો એકમાત્ર સથવારો બનીને.

હું અમથો ખાર નથી ખાતો એના પર,

સમયસર આવાની એને તો જાણે,

બાધા લીધી હોય એવું લાગે.

૫ મિનિટ ની એ કરે કલાક,

ને કલાકની એ કરે ૨ કલાક,

ને ક્યારેક પાછો,

કલાકનું આવાનું કહીને કાલનો,

દિવસ પણ કરે કઈ નક્કી નહીં.

કદાચ જો તે એકલો પડે,

એટલે એક જ કામ કરે,

ફૂંકવાનું કામ કરે,

ને હું ના પાડુ એટલે કે,

હું તોહ આ શરીરને ધૂપ દીવા કરું છું.

જો એને ફુક્તા હું ભાળી જાવ,

એટલે

પેલો 'શરીરનો ધૂપ-દીવો',

પણ અડધેથી જમીન પર ફેંકીને,

બુઝાવી દે છે.

પાછો માને છે મને પરમમિત્ર,

પણ મારું કીધેલું ઓછું માને,

પણ કઈ ના શકું,

એ પાછું સમજી પણ લે.

અને એ જ પળે મને સમજાય છે કે,

તેના પોતાના ઠેકાણાનું,

કંઈ નક્કી નથી હોતું,

પરંતુ એ મારી જિંદગીનું,

સૌથી મજબૂત ઠેકાણું છે.

જ્યાં મને રહેવાનું અને જીવાનું મન થાય છે.

ડો કિર્તન છેટા