શું કહેશો બોલો?

શું કહેશો બોલો?

શું કહેશો બોલો, વર્ષ બદલાઈ ગયું,

સાથે મારી પ્રીત કરશો બોલો ?

આપની માટે ખાલી વર્ષ બદલાયું,

મુજને પૂછો આપની સાથે એક વર્ષ વધ્યુ બોલો ?

ચાલ બને સમયનાં વહેણમાં હાથ પકડીએ,

તમે હજુ પણ મારો હાથ પકડશો બોલો ?

શું કહેશો બોલો, સાથે મારી રહેશો બોલો ?

આ સફરમાં છેલ્લા શ્વાસ સુધી રહેશો બોલો ?

દુનિયા સામે ન વચન જોઈએ મને,

એકાંતમાં મારી સામે સાચા રહેશો બોલો ?

આંસુનું શું ? આસું તો હું છુપાવી લવ,

પછી મારી ખામોશી વાચશો બોલો ?

હું તૂટી જઈશ કિસ્મત સામે,

મારી કિસ્મત તમે બનશો બોલો ?

શ્વાસો થાકી જશે જવાબદારીઓનાં ભારથી,

તમે ભાર વહેચવા સાથે રહેશો બોલો ?

શું કહેશો બોલો, વર્ષ બદલાઈ ગયું,

સાથે મારી પ્રીત કરશો બોલો ?

ડો કિર્તન છેટા