શીર્ષક: લખેલું લખાણ

લખાણ લખેલું એક દિવસ જૂનું થશે,

તારું મારું સાથે રહેવું એ જ રીતે પૂરું થશે.

કાલ જ્યારે તું નહીં હોય, માત્ર તારી યાદ હશે,

શ્વાસ મારો એ જ ક્ષણથી સાવ લૂણો થશે.

હસ્તરેખામાં લખ્યું છે સાથ આપણો અડધે સુધી,

કોણ જાણતું 'તું કે સૂરજ આટલો વહેલો ઢળશે?

બંધ આંખોમાં હજી છે તારો ચહેરો એવો જ,

આંખ ખુલશે ને આ બધું સપના જેવું થશે.

નજરથી તારી દૂર જઈને ક્યાં જવાનો હું હવે?

યાદોનું આ આખું આભ હવે તો અહીં જ ખૂંપશે.

છૂટા પડ્યાનો ડર નથી, પણ દર્દ એ વાતનું હશે,

કે આપણી આ વારતાનો અંત પણ અઘરો થશે.

આ સમયની જીદ સામે આપણે હારી ગયા,

પ્રેમ આપણો અમર ખરો,બાકી દેહ જુદો રહશે.

ડો કિર્તન છેટા