શીર્ષક: તૂટશે પછી

ખાસ ના રાખો ભરોસો એ કદી તૂટશે પછી,

ખાસ ના રાખો અરીસો એ કદી તૂટશે પછી.

આભમાં જોયા કરો આ રાત આખી મસ્ત થઈ,

ખૂબ ઊંચો છે સિતારો એ કદી તૂટશે પછી.

નાવ લઈને કયા સફરમાં નીકળો છો આપ તો,

રેતનો કાચો કિનારો એ કદી તૂટશે પછી.

બહારથી સુંદર બધું દેખાય છે આ વિશ્વમાં,

ભીતરે જોશો નજારો એ કદી તૂટશે પછી.

આંખથી વાતો કરી ને સ્નેહ તમે બાંધ્યો હતો,

સમયનો છેલ્લો ઇશારો એ કદી તૂટશે પછી.

ભીડમાં ચાલ્યા કરો પણ યાદ રાખજો દોસ્તો,

ભ્રમ તણો ખોટો સહારો એ કદી તૂટશે પછી.

ભોગ ને વૈભવ મહીં જે રાત તેં માણી હતી,

નીંદ ઊડશે ને પથારો એ કદી તૂટશે પછી.

સાથ ચાલ્યાની કસમ જેણે ખાઈ તી મોજમાં,

અંતમાં એ જ સથવારો એ કદી તૂટશે પછી.

મૌન થઈને સાંભળો આ ધબકતા દિલનો અવાજ,

પ્રાણ અટકેને પથારો એ કદી તૂટશે પછી.

ડો કિર્તન છેટા